شعر مداحی کوکب مشایه حیدر البیاتی

━━─⊰❈※✿※❈⊱━━─

كوكب مشاية وجيناك
عالمنة الاول شفناك
كل حر بالدنيا ناداك
تحزمنة ، توكلـنه
و راية تسولف يم راية
محد لم المشاية
بَس كوكب صحن حسين
سيدهم ، وحدهم
اول حاكم بالعالم
يجمع ذُرية آدم
هذا الحب أعظَم دين
مثل نجوم الناس تطوفة ما اعظم هذا القائد
من كـل دولة وكل جنسية يجمعهم كوكب واحد
عالمنة الاول
حب مايتبدل
غيرك ما نندل
يم غيرك ننذل
اسمك يم صخـرة گلناه
يحسين وصاحـت الله
صوت الحرية معناه
زوارك ، انصارك
مو وحدك يوم العاشر
مو زاير وبصف زاير
مليون بصف مليون
نادينه ، سبعينه
ما خلص وكت النصره
كل واحد طف بكبره
زوارك خلفة جون
كلمن شكله وكلمن لونه بس كلهم نفس النيه
حسين مصفي گلوب العالم باخلاقه الانسانيه
موقف انساني
عالحب رباني
ثبت ايماني
ديني وعنواني
القران بدربك مشاي
عرش الله يطوفك مولاي
صيحات الرايح والجاي
لبيك حُسين
يا فطرة ، للفقرة
يالحبك مو اسطورة
شايب شفناه يم صورة
بجفوفك يشربك ماي
وحجيه ، محنيه
تمسح بالصوره عيونك
تگلك مولاي اشلونك
يالعايش دوم وياي
واذكر امي تكلي وليدي العايفهم باطل دينه
ماينقاس الزلمه بشارب زلمه الما عاف حسينه
حيرت الوادم
ميت بس حاكم
شفنه اكبر عالم
يم بابك خادم
چم عابس عندك مجنون
حفاي بدربك يمشون
ناس بكل خطوه يصيحون
لبيك حُسين
مشاية ، والراية
رتبة وصارت بمتوني
جربوني وشدو عيوني
هم اندل درب الحسين
اندله ، واوصله
لو اطلب منه القبة
ايگلي اتدلل مو صعبه
اترس چفك والعين
أغنى انسان بهاي الدنيه وبخيره مغرك ناسه
تاخذ منه الحاجه بچفك بس حلفه بچف عباسه
ضامي وروانه
عاري وغطانه
وادم سو انه
طاح وعلانه
الحج بعمرك ايام
وحسين تزوره بكل عام
زوار تنادي وخدام
لبيك حُسين
✤✤ مرجع دانلود مداحی رسانه چادر خاکی ✤✤

━━─⊰❈※✿※❈⊱━━─

حیدر البیاتی کوکب مشایه